பெயரிட்டு அழைக்காதே!

நான் நிரம்பி இருக்கிறேன்.
இனி இடமில்லாமல்.
உன் அன்பால், உன் நினைவால்.
என்ன வேண்டும் இனி.
நேசத்தால் நிறைந்த நெஞ்சம் ,
பெயர் சொல்லி அழைத்தாலே,
நிரம்பிய பாத்திரமென தளும்புகிறது.
கண்ணின் ஓரத்தில் சில துளிகள்.
போதும்
போதுமென்று தோன்றுகிறது.
பெயரிட்டு அழைக்காதே.
நான் நிரம்பி இருக்கிறேன் ,
இனி இடமில்லாமல்.

----------------------------------

அருகாமை உறுதிப்படுத்துவதில்லை
என்னுரிமை என்று.
அருகில் என்றா சொன்னேன்.
இல்லை ,
இட்டு நிரப்பிட முடியாத
பல வருடங்களின்
நீண்ட .....
இடைவெளி இருக்கிறது ,
கண்ணுக்குத் தெரியாமல்.
நீ நீயாகவும் இல்லை
நான் நானாகவும் இல்லை.
இருந்தாலும் இல்லாமல் போனதாக
சொல்லிக்கொள்ளலாம்.