சாம்பல் வண்ண கவுனும்
அழுக்கடைந்த வெள்ளை ஏப்ரானும் -
இல்லை
கை நிறைய வீட்டு வேலைகள் -இல்லை
குட்டி திட்டி வேலை வாங்கவும்
யாருமில்லை
மிரட்டி உருட்டி ஒளித்து வைக்கவும்
யாருமில்லை,
வீட்டிலோ எலிகளும் இல்லை
வீட்டுத்தோட்டத்தில் பூசனிக்காயுமில்லை
கனவில் மட்டும் கண்ணாடிக் காலணிகள்
தோன்றித் தோன்றி மறைகின்றன.
இரண்டுமே இருந்தென்ன பயன்?
எப்போது தொலைப்பது ஜோடியில் ஒன்றை?
