உணவாக்க விழையாத இழைகளை
வட்டத்துக்குள் சிக்காமல்
குறுக்கில் நடந்து கடக்கிறாய்
இழைகளை
உண்டு செரிக்கத் தயாராகிறேன்
--------------------------------------------
எல்லாம் அறிவாய்
வேண்டி நிற்பதும் அறிவாய்
காட்சி எப்போது?
அல்லது யாருக்கு?
கர்வம் மிக்கது எது?
கசிந்துருகுவது எது?
கடமைக்காய் இருப்பது எது?
கடந்து போவது எது?
கல்லாய் நினைப்பது எது?
துல்லியமாய் அறிவாய்
அறியாதது
நீ யாரென்பது மட்டும்.
-----------------------------
காதல் எழுதுபவர்கள்
காதலில் இருக்கிறார்கள்
மரணம் எழுதுபவர்கள்
மரணித்துக்கொண்டும்
கருணை எழுதுபவர்கள்
கசிந்துருகிக் கொண்டும்
இவ்வாறெனில்
எவ்வளவு எளிது
இவ்வுலகம்.
-------------------------------
கூகிள் பஸ் பற்றி அறிந்தும் ரொம்ப நாள் அந்தப்பக்கம் எட்டிப்பார்க்கவில்லை.. டிவிட்டர் அளவுக்கு யோசிக்கவைக்காமல்.எவ்வளவும் தட்டச்சலாம்.. என்பதால் அங்கே அவ்வப்போது தோன்றியதை எழுதி வந்தேன். அதனை இங்கே சேமித்து வைக்கிறேன்.
-----------------------------
9 comments:
திருத்தமான கவிதை..
// இவ்வாறெனில்
எவ்வளவு எளிது
இவ்வுலகம்.//
எழுத்தையும் எழுதுபவனையும் நாம் வேறுபடுத்திப் பார்ப்பதில்லை. நல்பதிவு.
மூன்றுமே மிக அருமை.
நல்ல கவிதை.
வாழ்த்துக்கள்.
மூன்றுமே நல்ல கவிதைகள்....
இன்னும் நிறைய எழுதுங்கள்....
அறியாதது
நீ யாரென்பது மட்டும்.//
நான் யார் என்பதை ஒவ்வொருவரும் உணர்ந்து கொண்டால் நல்லது.
நல்ல கவிதை.
குணசீலன் , கலாநேசன் ..ராமலக்ஷ்மி,
ரத்னவேல், வெங்கட், கோமதிம்மா எல்லாருக்கும் நன்றிகள் :)
மூன்றுமே நன்றாக இருந்தன.
தொடர்ந்து எங்களுக்கு இது போல் கவிதைகளைத் தாருங்கள்.
மிக அருமை.
Post a Comment