காதலில் காத்திருத்தல்

நான் -
உனைக் காணும் முன்
மழையை ரசித்ததுண்டு.
இன்றோ உன்னுடன் மழையில்
கை கோர்த்து நடக்க நினைக்கிறேன்.
ஏன் வரவில்லை நேற்று நீ?

நீ -
மழை பெய்ததே!



---------------------------------------
என் மெளனம் அன்று உனக்கும்,

சம்மதிக்கும் முன்.

உன் தாமதம் இன்று எனக்கும்,
சம்மதித்த பின்.
வலி தான்.

-----------------------------------------

நேற்று இன்றைய நினைவுகளாய்,
நாளை இன்றைய கனவுகளாய்,
நாட்கள் ஒவ்வொன்றும் வருடங்களாய்,
காத்திருப்பதில்
காதலும் தண்டனை தான்.

மழைக்காய் காத்திருக்கும் பாலையாய்,
தீபத்திற்கு ஏங்கும் இருளாய்,
வார்த்தைக்கு தவிக்கும் கவிதையாய்,
காத்திருப்பதில்
அன்பும் துன்பம் தான்.
-----------------------------------------------------------